اجمل قصاااائد شااااعر المليون ........

السلام

متعبني وأنا متعبه

حبيبي متعبني و أنا بعد متعبـه كل واحد فينا متعب الثانـي

يسقيني من الهم اللي يشربـه كل واحد من الثاني يعـانـي

اذا جيته بشوق يتكبر علـي

ولوتركته يجي ويسأل علـي

مافاد فيه شعري اللي أكتبـه ومافاد طيبي و حبي و حنانـي

جرح شراع عشقي ومركبـه مدري تغلّي والا يبي ينسانـي

والله انه أتعبني في كل شـي

ولا استفدت من حبه شـي

يكذب علي وماأقدر أكذبـه لا والمشكله يقول انه يهوانـي

صار معذبني وأنا بعد معذبـه مدري ما أبغاه والا مايبغانـي

نفسي أحس بعشقه شـوي

ليته يطول باله معاي شـوي

السلام

كل ما أقول

كل ما أقول بديت أنساها ألقى نفسي بديت فهواها

وأصرخ بشوق وين ألقاها وين ألقاها ياليتها تسمعني



كل ما أقول نسيت ذكراها أتذكر الليالي اللي عشناها

وأبكي ودمعي يقول يبغاها والله أبغاها ياليتها تفهمني



كل ما أتذكر اني مو معاها وانها عايشه بدوني يامحلاها

و خلاص نست اني أهواها أتألم ولكن محد يدري عني



كل ما أقول بعيش بلياها ألقى نفسي عايش واياها

كإني في حظنها وفي دفاها كإني أحظنها وهي تحظني



كل ماأقول خلاص بنساها أنسى اني قلت أبي أنساها

وأذكر اني مستحيل أنساها وأوهم نفسي أقول تعشقني



كل ما أقول نصيبها وجاها ولازم أرضى و أترك هواها

ألقى نفسـي أمشي وراها وأوهم نفسي والوهم جننّي



كل ما أقول ايش جرى لها ليه نست قلبي اللي يفداها

وليه نست اني أبي رضاها وقتها أسمع الصدى يجاوبني



... ويقول .. ياعاشق هواها .. انسى ذكراها ..لازم تنساها ...

مساكين

ماخذين بنفسهـم مقلب والله مساكين على بالهـم اني أفكر فيهم من زينهـم

عايشين بعالم الأوهـام كأنهم مراهقين يحسبون اني معجب فيهـم الله يشفيهم




أنا معي حبيبتي و تحبني ليـه مقهورين ؟ مدري وايش يبون فينـي وايش عليهم

معي حبيبتي تسواهـم وتسوى الملايين يكفي لون عينها وايش جـاب عينهم




أصلاً مافي مقارنـة بين الزين والشين حبيبتي زينـه أما هـم الله يا شينهم

مساكين الظاهر مـن غروري محترّين أبي يفهمون اني ما أريدهـم ولا أبيهم




مساكين الظاهـر من ثقلـي معقّدين أو يمكن معقدين من الشين اللي فيهم

مساكين والله أحـزن عليهم مساكين مساكين والله يحزنـون الله يعيـنهم




هذي القصيده اهداء لناس معروفين يتمنون لو أطالع فيهم أو لحظة أجيهم

بصراحه مايستاهلون لكنهم مساكين خلهم يفرحون لأني كتبت شي فيهم

كل ما التقينا افترقنا .. واذا افترقنا التقينا



كل ماالتقـينـا افترقنــا و اذا افتـرقنـا التقينــا

وكل ماانتهينـا ابتدينــا و اذا ابتديــنا انتهينــا



وهـالـمره والله مادرينـا مدري انتهينـا والا بدينـا

بس أعتقد خلاص انتهينـا وضـاع حب فيه ماتهنينـا



أخلصنـا في الحب ووفينـا ومن قلوبنا بجنـون حبينـا

بس خساره الحب مايبينـا و حتى الحظ مايـبي يجينـا



و ايش الذنب اللي جنينـا و ايش اللي صار بس فينـا

و الا عيون الحسود علينـا و الا ربنـا غاضب علينـا



بدا ألـم الفراق يدارينـا وبدا نور القمـر يخاوينـا

و مافي غير الصبر يهدينـا و لا غير الدموع تواسينـا



مافي دوا بالدنيا يداوينـا ولا أحـد يقدر يشافينـا

يعني بالموت انحكم علينـا سواءً رفضنا والا رضينـا

السلام

خـلاص نسيتـك

أنا يامـا عطيتك فرص كثيـر و انتظرت رجوعك وقت طويـل

و قلت عسى ألقى منك تقديـر و تجي و تقول مشتـاق بالحيـل

بس يا خساره جرحك لي كبيـر وشربت منه كل أنـواع الويـل



أمـا اليـوم أنا خـلاص نسيتــك و هالمـره كلامـي مو أي كــلام

أنا نسيتـك والله خلاص نسيتــك وخلاص الله يرحـم ذاك الغــرام



أنا خلاص نسيتك ونسيت هـواك خلاص نسيتك ومن حبك تشافيت

والحمـدلله محيـت آلام ذكـراك ومن جرحك العميـق أنا تداويت

خلاص روح يا سيدي الله معـاك مايفيد لو تبكـي و تقـول ياليت



لأني اليوم أنـا خـلاص نسيتـك وماراح تلقـانـي ولا بالأحــلام

ولو تبي الصـدق ماعمري هويتـك لأن حبك كان أوهـام في أوهــام

السلام


مالك معزه

مالك معزه عشان تنحشم أصلا مالك عندي احترام

قلت في قلبـي انك محترم و اكتشفت انك أي كلام

معليش هالشي لازم ينفهم حسافه فيك قصايد الغرام

اللي يحبك والله انه بينظلم لأن طيبتك معناتها الخصام

واللي يشم أنفاسك ينكتم حتى حظنك خيال وأوهام

الحب في قلبك شي منعدم والشوق عندك معناه الملام

مسكين من الصدق منحرم الله يعينك بس على الأيام

اللي مايقدّر غيره ماينرحم و حتى الكلام واياه حرام

السلام

حبيت أسألك

على فكره بس حبيت أسألـك وايش أخبار جرحك ودمعـك

وايش أخبار شوقك و صبـرك باقي تحب والا خـلاص نسيت



المجروح صعب ينسى و مستحيل اسألني أنا المجروح وشارب الويل

عشان أنسى أحتاج وقت طويل ياليت ماحبينا أنا وأنت ياليـت



أنا حبيت أسألك لجل أواسيك أنا مجروح أكثر من اللي فيـك

شوفني أنا وتهون المصيبه عليك من كثر الجروح خلاص انتهيت



كنت أقول حبيبي وبحبه يتغلّـى ولا كنت أتوقع انه فيّا يتسلّـى

ولاتوقعت بسهوله عني يتخلّـى لِدرجة اني ماعمري فيه شكيت



ماتوقعت يبيع الحب واللي راح ماتوقعت يجازيني بألآم و جراح

عالأقل أنت أهون مني يا صاح أنت ماعانيت مثل ما أنا عانيت



اللي يشتري مو مثل اللي يبيع وأنت أنهيت الحب بدون توديع

بعت الحب والثمن جرح فضيع أنت بعت الجروح و أنا شريت



أنت ماتنجرح لأن مايوم حبيت أما أنا غير الجراح أصلاً مالقيت

وأصلاً بهذا الحب مايوم حسيت وايش تفيد كلمة ياليت وياليت

.. ياليت ماحبينا أنا وأنت ياليـت ..

.. مشتاق لك بس آه من الفراق..

أنا والله اني لك مشتــاق بس أنت متغير مدري ليـه

الظاهر انك ناوي الفـراق مادام هذا اللي أنت تبيـه

هذا الفراق ومعاه أشـواق وصدقني راح تندم عليـه



قبل ما تروح أنـا أترجـاك

هذي روحي خذها وايـاك

أبي روحي ياروحي معـاك

على الأقل تتنفـس هـواك

واتركني مع جروحي بليـاك

راح أصبر و بتحمل فرقـاك



اذا كان اللي بيننــا هان في شرعي العشره ماتهـون

لو حسيت بعـدي بالأمان صدقني أنا بعدك مجنـون

ولو بعذابي تكـون فرحان عذبني زياده والله تمـون


ايش أسوي لو تبـي تفارقني

ايش أسوي لو مصمم تتركني

مالي غير ذكرياتـك تصبرني

ومالي غير دمعتــي تسمعني

وروح وقبل ماتـروح سامحني

أنا السبب وخليتـك تكرهني

تقول ماتستاهلنـي

جتني تقول أحسك ماتستاهلني وأحس مالنا في بعضنا نصيب

جتني تقول ماتستاهلني وتعاتبني وتقول لا تدعي علي يا أديب

أول مره بذا الأسلوب تكلمني والله هالدنيا طبعها جدا غريب



أمس كانت تقول كلام

واليوم صرت أسمع كلام



مو قلتي زمان احنا لبعضنا ومافي شي راح يفرقنا أبد

وقلتي ما راح ينطفي حبنا وماراح يبعدنا بهالدنيا أحد



مو قلتي تستاهليني وأستاهلك

مو قلتي تعشقيني وأعشقـك



.. واليوم تقولي ماتستاهلينـي ..



ايوا الله انك صدقتي انتي فعلا ماتستاهليني

انتي من يوم بعدتي انفتحت الدنيا فعيني

ليت من زمان رحتي والخيـر بدري يجيني



حبك دعوه أحد دعاها علي حبك مصيبه و طاحت علي

حبك عملي السيء والذنوب حبك في هالدنيا أخس شي



والله فعلا انتي ما تستاهلينـي لأن أنا قدري عالي المقــام

وأنتي وعشيرتك ما تسوينـي وبحبك أنا من الكل أنــلام



كل شي يتعوض بهذي الدنيـا الا أنا مستحيل تعوضيني أنـا

وراح تعيشي من بعدي بعنـا وضعت منك أنا وضاع الهنـا

يوم انخطبتي

يوم دريت انك لغيري انخطبتي عشت حياه مافي أصعب منها

وصارت بلاوي و أنتي ماسألتي مريت بظروف و مادريتي عنها

مرضت وتعبت و أنتي مافكرتي مرت علي أيام ما أبي أذكرها

كنت بعذاب وأنتي و لا تعذبتي أيام الله لايردها صرت أكرها

بسهوله من حياتـي انسحبتي ودمرتي روحي وبُعدك دمرها

ياليت ماجرحتي ليتك انجرحتي وتحسي بعذاب الليالي و مرها

ليه عالكذب والجـرح تعرفتي ليه ماقلتي من أولها قبل آخرها

ليه خيبتي ظني وليه ما أخلصتي جرحتي والجروح يكفينا شرها

لو كنتي مكاني والله ما تحملتي لأن الجروح مافي شي يصبرها

واليوم بسهوله يـاهانم رجعتي وتبيني أرجع لليالي وسهـرها



تبيني أرجع وانتي مخطوبه يا مصيبتـي!

وعلى ذمتك رجال منّه انخطبتــي

وتقوليها عادي ولا حتى خجلتــي

ظلمتيني وتبي تظلميه يعني تعودتــي

ليه لعبه عندك تتسلي لو طفشتــي

ياويلي منك وياويلي من صدمتــي

طحتي من عيني و من قلبي نزلتــي

صار مقامك واطي بعد ما ارتفعتـي

هالكلام جرحني فوق اللي جرحتـي

أنا ولد أصول وأفهم لو مافهمتــي

والله ماأرجعلك حتى لو اعتذرتــي

مابرجع حتى لو خُطْبَتِك فَسَخْتــي

خلاص أنا عفتك عوفيني لو سمحتـي

ياناس ساعدوني

متى يرجـع تعبت كفـايه تعبت وطـالت الحكـايه

مـافيني أصبـر للنهـايه تكفون ياناس ساعدونـي



تكفون ياناس ساعدونـي والله الموت أشوفه بعيونـي

والله فراقه شي جنونــي ماني قادر ياناس الحقونـي



شـاب شعـر راســي ومـات فيني احساسـي

توقفت كامل أنفاســي وروحي عايشه بدونــي



الكل شايفنـي أعانــي وحاسين فيه شي خذانـي

ايوالله الغالي راح وخلانـي راحت بعده كل شجونـي



راح ونسى قلبي وهــواه وحرمني وداعه ولقـــاه

ياناس بالله كيف أنســاه أعطوني حل ريحــونـي



كيف أنسى حبيب الروح كيف أنسى كل الجـروح

كيف أنسى بسهوله وأروح بالله ياناس كيف علمـوني



اشلون أنسـى أول حبيب كيف أتحمل جرحي العطيب

والا خـلاص مالنا نصيب قولوا لي ياناس فهمـونـي



ليه هانت عليه أحلى ليـالي ليه مافكر في حاله وحـالي

ليه سرق قلبي وأخذ بـالي تكفون ياناس ساعدونـي

انخطب وماصدق على الله

انخطب وماصدق على الله باعني أنا والحب من الفرح

وأنا أتألم وأقول حسبي الله وهو مو حاس قلبي انجرح



على بـــاله بتمناله الخيــر وأقول الله يوفقك مع غيـــري

أي خير أتمنـــاله مع الغيــر أنا مو ملاك ولا أقل من غيــري

أوهمتني بالخيره وتقول انها المصيـر أوهمتني وقلت مصيرك هو مصيري

والله مدري ايش اللي قاعد يصيـر أنا أحلم والا البعد بيحرمك خيري



ليه خليتني أتعلق فيـك وليه تقول احنـا لبعضنا

ليه تخليني أبكي عليـك وليه تطفي شمعة حبنـا



ليتك قلت عشان أعمل حسابي ليتك مت كان أهون من عذابي

أدري كل اللي صار من أسبابي أنا من طيبتي حطيتك بين أهدابي



ياخي كـان قلت من البدايـه كان قلت لحبـنا أخير ونهايـه

وين الخيره والا برضو روايـه ليه أوهمتني وليه ألفت حكايـه



يعني بالله ترضى تكون ظالـم ترضى تجـرح أغلى المشاعـر

والا ماتفرق معك تجرح دايـم والا عادي عندك تكسر الخواطر





يالله كل شي قسمـة ونصيب و أنا كنت أستخير الله فيـك

وكنت أقول يا تصيب يا تخيب بس أنا اليوم ضعت من ايديك

مرت سنـه



وين كنا العـــام وكيـف صـرنا اليوم

وين راح الغــرام ويـن ذاك الحـنيــن



ليه بــاع الهيـام وأنا شــريت الهمـوم

خــانتنا الأيـام والا الحظ عيـا يزيـن



هذي حال الدنيا معانا يوم معانا وعشره ورانا

حتى الهم يتنفس هوانا والظروف عيت تليـن



مرت سنه اليـن الحين كنت العام ذايب حنين

وعايش أحلـى السنين دايم أدعي نبقى عاشقين



واليوم عايش في جحيـم وحبيبي عايش في نعيـم

تركني في جرحي الأليـم رماني وخلانـي حزيـن



عشق انسـان بعـدي ونسى عهده وعهـدي

وخيب ظني و وعـدي وباعني أنا وقلبي المسكين



كنت أبد ما أفكر فيـه وكان يحبنـي و يموت فيني

علقني وخلاني أجيــه وبعدها قال انه ما يـبيـني

طيب ليـه يعلقني فيـه ليه بصدق الحب يخـدعني

الله و أكبر بس عليــه ليه مارحم قلبي وحنينــي

عسى الله بس يبتليــه ويحس باللي حصل فينـي



أنا كل يوم أدعي عليــه يحب انسان يلعب فيــه

ويجرحـه و لا يراضيــه وعسـاه يبيعه ويخليــه

وعسى الهم دايم يخاويــه وين مايـروح يلاقيــه

ياقلبي كفـاك

ياقلبي من الحب والجـروح كفاك اللي جـاك من أغلى الناس يكفيك

علمته الحب وكيف يهيـم بدنياك واليوم من جروحه صرت أواسيك

ليه يـاقلبي تحب انسـان مايهواك ليه تناديه وهو مافكر يوم ينـاديك

ليه يا قلبي ماتنسـى منهو نسـاك ليه ما طاوعتني يوم كنت أناجيـك

ليه يا قلبي تعذبـني في الحب معاك ليه ماسمعت كلامـي يوم أحاكيك

اليوم ياقلبي شف الجرح بكــاك وماحد بيسأل عنك أو يشاكـيك

حتى الجرح ماظن يبرى اذا جـاك مدام الجرح من الغـالـي يداريك

خلاص مكتوب أشقى من شقاك مكتوب أمشي معاك و أجاريـك

حاولت أنسـى

حاولت أنسى معانـاة الفراق حاولت أنسى بس قلبي حنون

أكذب لو قلت مانـي مشتاق والله من شوقي صايـر مجنون

حاولت أنسى اننا كنا عشاق ماقدرت والله حبه علي مايهون



حاولت أنسى غرامه وحنينــه حاولت لكنه ساكن بعيونــي

قدر ينساني ياحظه و يازينــه قدر يعيش حياته من دونــي



والله الحياه بدونه أبد ما تنطاق مع انه جرحني لكن والله يمون

دايم أكتب له أشعار عالأوراق و من حبي له حتى الجرح يهون

والله مشتاق له والشوق حراق وينه والله وحشتني ذيك العيون



جرحني جرح ياكبره وياشينــه جرحني وجرح فيني شجونــي

بس من عذاب ربي الله يعينــه وعساالله يعين شوقي الجنونــي

وايش الذنب

قعدت أتذكر ليالي ذيك الشقه يوم كان يرقص وأنا العود أدقه

و بعدها يهديني بوسه بكل رقه وأنا أرد هالبوسه على الشفّـه



ليالي عشناها في شواطيء جدّه وأيام قضيناها في شوارع حدّه

كان الجرح مايبينا وكنا ضدّه و اليوم كل واحد لحاله بكفّه



الأيام الماضيه كلها على جنب والجراح اليوم كلها على جنب

مدري ايش صار وايش الذنب مدري ليـه اليوم الجرح نِزفّه؟



حسافه حتى بالحب ما تهنينـا مدري وايش الذنب اللي جنينا

يعني ذنبنا حبنا لأننا بس هوينا ليتني أعرف الذنب عالأقل أضفّه

الجـوال

فواتير الجـوال صارت قليله و الجوال ماعاد صرت أشيله

ماعندي أي أحد أتصل عليه ولافيه أي أحد مسج أعطيله

حبيبي نساني وراح يا حليله من عذاب ربي والله يا ويله

أجل ليه أشيل الجوال ليـه مادام مالي حبيب أسهر ليله



من يوم غـاب حبيبي عنـي والجول مكانه مثـل ماهـو

حبيبي ما يتصل يسأل عنـي والا يقول أديب وينه هـو



تجيني اتصالات في كل دقيقه ومالي نفس أرد على أي أحد

ماودي أرد ولو تبون الحقيقه مالي نفس أمسك الجوال أبد



الجوال يذكرني بصوت الغالي الغالي اللي راح وتركني لحالي

حالتي حاله من يوم عني راح صرت أنسى وين أحط جوالي



رجعته هي أول و آخر آمالي والله اني مشتاق شوق خيالي

ومن غيابه والله ماني مرتاح آه لو بس أسمع نغمته فجوالي

الله يسامحـه

رحل حبيبي الله يسامحه و لا ودعني ولا حاجه

وين بس ألقاه و أصالحه يمكن يحس اني محتاجه

من غيابه نسيت الراحه وماني قادرأسوي حاجه



كذا هان الغلى معقــول

ليه مايتكلم ليه مايقــول



الله يسامحه ما خلالي شي الله يسامحه ليه كذا أناني

رحل وأخذ معه كل شي وترك لي جرح منه أعاني

ليته لو يحس بعذابي شوي ياليته هواني بدل مانساني



يعني حبنا في نظره رخيـص

و أنا لوحدي عليه حريـص



ليته لو على الأقل ودعني على الأقل أذكره بالخير

الله يسامحه مافكر يرحمني ماتوقعت كذا منه يصير

أنا الغلطان والله يسامحني قدرته ومايستاهل التقدير

ياجرحي

ياجرحي الأليم مهما تعذبنـي ومهما تسوي يا أنت يـاأنـا

يالله ياجرحي أتحداك تغلبنـي تخسي ياجرح أنت و العنــا

بقتلك بعنادي قبل ما تقتلنـي وبتحمل طعونك و مر الجفـا

بقهرك بسكوتي الين تتركنـي وبقهر فيني حنينـي و الوفـا

بحرقك بصبري قبل ماتحرقنـي وبحرق فيني كل لحظـة دفـا

بدفنك ياجرح قبل ما تدفنـّي و الموت بيلقاك هناك أو هِنَـا

ياجرحي الأليم ماراح تغيرنـي أكيد راح ترجع لي أيام الهَنَـا

ياجرحي الأليم ربي بينصرنـي وراح يعوظني عن كل الونـا

بتحمل وبصبر مهمـا تألمنـي أكيد بصبر يوم وبرتاح سنـا

عشت الجرح والحب يعلمنـي ان الحب بجراح مالنا فيه مُنـا

بس يا جرح مستحيل تموتنـي الروح يحكمها خالق السمـا

وغير الصبر ولا شي يصبرنـي وغير الصبر ياصبري محدٍ لنـا

وغير الجرح مافي من يجرحنـي وغير الصبر ياجرحي مافي دوا

أنا راح أبعدك ياجرحي عنـي وببقى أحب مادمت أشم الهوا

ياجرحي خلاص لا تكلمنـي الموضوع بيني وبينك انتهــا

خلونا

خلونا مانبي أحد يدخل بيننا خلونا نحل مشاكلنا لوحدنا

مـا أرضى أحد يتكلم عننا مهما كان هذا شي يخصنا

هذا حبنـا وهو يجمع شملنا ولهفتنا مصيرها بيوم تضمنا

مهما تخاصمنـا الحب حبنا مهما تعاتبنا هذا من حقنا

مهما تباعدنـا يرجعنا وِدّنا مهما تزاعلنا شوقنا يردّنا

خلونا لو سمحتـوا لوحدنا خلونا مانبي ولا أحد عندنا

لحد يوقف معانا و لا ضدنا أكيد بنلقى حل في صدنا

خلونا واحنا نصفّـي قلوبنا خلونا واحنا نشكي همومنا

خلونا واحنا نتصالح باسلوبنا خلونا تراكـم ما تفهمونا

خلونا ياللي تقولوا تحبونـا خلونا تراكـم ما بتفيدونا

انتو اذا كنتوا فعلا ترثولنـا نبي من دعواتكم ماتنسونا

اليوم يومك

أول تحول واليوم يومك

جرحك نساني معنى الحنان صار جرحي للدوا مايخضع

جرحك خلاني مثل الزمان إذا راح مستحيل يرجـع

أبي أشرب وأنا مو عطشان مثل السراب وكيف يخدع

ولو شربت أبقى ضميـان كأني بصحرا وصعب أشبع

إن تركتك أصيـر حيران وإن ناديتك أبد ماتسمـع

واليوم يومك بتكون ندمان ولو بكيت دمعك مايشفع

أول تحول واليوم يومك

أنا اليوم أبي أشوف دمعـك أبيك تندم على كل ماسويت

لازم تبكي دم اليوم يومـك أبد مـاراح أسمع لو شكيت

ياما سهرت أنا من جروحك ووردي ذبل و أنت مادريت

ليه أسأل اليوم عن دمعـك وليه أحن وأنت مايوم حنيت

على بالك حبي لعبه بيـدك تلعب فيها وتتركها ان مليت

أصلاً حبي كبير ومو قـدك أنت عمرك بالحب ماحسيت

قلي ايش الفايده من حبـك وأنا غير الاهانه أبد مالقيت

قلي ليه أسهر أنـا من صدك وأنا اللي مـاعمري صديت

قلي ليه تسقيني من هجـرك وأنا من قربك والله ماتهنيت

قلي وينك ووين دفا صدرك هذا وأنت غيري أبد ماحبيت

اشلون لو فيه غيري بقلبـك كنت على روحـي قضيت

أنا اليوم ماأبي شي غير بُعدك لأني من جرحك أنا صحيت

و صعب أحب أحد بَعـدك يكفي أنا من جرحك انتهيت

خليني أروح وأبـعد عنـك مايحتاج نتفاهم لأني اكتفيت

ياما سقيتك حب ودلعتـك ودايم أنصحك وتقول نسيت

ماعمري في يوم أبد ظلمتك وأنا من ظلمك ياما ارتويت

العام اللي فات

مثل هالوقت من العام اللي فات قلت لحبيبي أحبك وصارحني بحبّه

وعدني يبقى بحبي أكثر من مرات وأنا وعدته أكون عند حسن ظنّه

وعدته أكتب له أحلى الأبيـات ووعدني يبقى معي عالحلوه والمرّه

كنت أنا وحبيبي بأحلى لحظات كان مايرد لي طلب و أنا ما أردّه

كنت ألاقي بعيونه أحلى صفات حبنا مجنون و الجنون وصل حدّه

كنت أسهر معه أروع السهرات واذا جا وقت الفراق يقول ماودّه

و اليوم ياخساره حبي بقلبه مات مدري ليه تَغيّر و قفل بابه وسدّه

اليوم أنا أشرب من كاس الآهات بعد ماأسقاني الشهد أسقاني صدّه

خيّب ظني و ايش تفيد الكلمات بعد مارخيت الحبل جاني و شدّه

ياليت أقدر أرجع للعام اللي فات وأعيش لحظـه من لحظات وِدّه

يالله عسـاها تصبرني الذكريات وأنساه وأنسى أمه وأخوه

الـهـم

شلت عن غيـري الهـم والبلوى

وللأسف همـي محد قـدر يشيله

سمعت من غيـري الآه والشكوى

بس حسافه مالـي أحد أشكيله

آآه أشكي آهاتي في كـل دعوى

ومالـي غيـره سبحانـه أبكيله

أبكي وأحـس بحـرارة الدمعى

أشكي للخالق و من الهم أعطيله

متعود على الهم و خنقـة العبرى

والهم اذا مـاجانـي أنـا أجيله

عذبني ياحلو تعذيبك

ساكن في قلبـي ومتربـع ياغالـي هذا قلبـي اجرحه المهـم ترتـاح

أنا و قلبـي فدوه لجرحك الغالـي أبيع راحتـي وأشري منك الجـراح

عطني جروحك أبيها لي لحـالـي وخذ مني كل ماعندي من أفـراح



هات همومك وعطني أحزانـــك

أنـا عايش بالدنيـا عشانـــك



اجرحني وعذبني ياحلـو تعذيبـك يازينـه عذابك ويازين الجـروح

اهجرني و اتركني ما راح أسيبـك وين ماتـروح والله معـك أروح

مالك غيري أنا الوحيد حبيبـك يعني أنا وأنت جسديـن في روح



خذ حناني واروينـي حنانـــك

خذ حظني ودفيني بأحظانـــك

خايف أسامح وأندم

والله اني خايف أسامحك و أندم وخايف ما أسامحك ربي يحاسبني

خايف يكون قلبك لسه ما تعلم أنا خايف تكون لسه ماتفهمني

خايف اني أسامحك وأرجع أتألم وأنا مو ناقص مره ثانيه تجرحني

خايف أسامحك و أزيد الهم هم والله خايف ان الهم يجي ويقتلني

خايف تكون مثل زمان وتظلم و خايف ظلمك هالمره مايرحمني

خايف بعد الجرح ما عاد أتكلم خايف أسامحك وبعدين تخدعني

خايف الجرح الجاي يخليني أبكم مافيني أغامر أخاف بس تصدمني

أنا مافيني حيل للجرح والله يعلم أنا حسامحك بس بشرط توعدني

أبيك تكون مثل ماأنا أبي وأحلم أبيك تكون معي وأبد ماتتركني

لازم تسمع كلامي ولازم تفهم اذا في يوم أمرتك لازم تطاوعني

وان زدت الجرح والله راح تندم و لا راح أسمعك لو قلت اسمعني

لأن كثرة جروحك تخليني مجرم وتقسّي قلبي عليك وأكيد تغيرني

ياتجي مثل ما أبي أو تروح محترم أنا كذا مرتاح مو تجيني و تتعبني

اللي مايتوب من الجرح ماينرحم وأخاف أسامحك قلبي مايسامحني



« ارسل هذه القصيدة الرومانسية »



اسم صديقك : ايميل صديقك :

اسمك : ايميلك :



من هو مغرم رومانسية

colSpan=2 height=1>






قصيدة حبي